En auðvitað verslar maður þegar maður kemst í gósenlandið. Þó svo að krónan sé eins og hún er og dollarinn næstum því 100 kallinn þá var samt hagstætt að versla þarna úti. T.d. hvar á okurlandinu er hægt að kaupa Jordan tannbursta fyrir 85 kr íslenskar? Hvergi, en úti er hægt að gera reyfarkaup á tannburstum, tannkermum, sjampóum og slíku dóti svo ég tali nú ekki um fatnað og skó.
Keypti 2 stk gallabuxur og 1 stk gallapils á 45 dollara og var þetta ekki í Wal-Mart heldur í Macys sem er frekar dýr búð að sögn innfæddra sem ég fer alltaf að versla með, keypti einnig merkjaskyrtu á karlinn á 30 dollara - nota bene hún er frá Calvin Klein og úr alveg ótrúlega góðu efni.
Hvers vegna þarf þetta að vera svona dýrt hér á landi?
Það er gömul tugga að segja að það sé vegna þess að það er svo langt að flytja allt hingað inn, í USA er allt framleitt í Kína og samkvæmt minni þekkingu í landafræði er Kína líka langt frá Ameríku. Auðvitað er Ameríka stærra land og stærri markaður þar af leiðandi en come on þetta er orðið einum of mikið af því góða hérna.
Ég væri flutt út fyrir löngu ef ég fengi karlinn með mér en því miður er hann ekki jafn hrifinn af Ameríku og ég :-(
Eins og mér finnst þeir frábærir þá geta þeir líka verið dulítið klikk stundum. Allar búðir voru að fyllast af Holloween búningum og skreytingum, margt alveg hrikalega flott og hefði sko alveg getað fyllt stóra tösku af alls konar dóti. Hefði getað dressað alla fjölskylduna og þá meina ég alla fjölskylduna upp í búninga, það hefði nú verið mjög skondið hehehehe. Þeir selja meira að segja búninga á dýrin sín, sé ekki alveg heimilisköttinn í anda í búningi þó að heimasætan hafi nú stundum klætt hann í dúkkuföt.
Hann liti sem sagt svona út ef ég hefði keypt handa honum dress.
1 ummæli:
Guð hvað það hefði verið gaman ef þú hefið komið með sllskonar svona búninga, mér finnst neflinlega gallinn við íslendinga er að það er oft sem það vanntar skemmtileg heitin í fólkið...íslendingar eyða alltof miklum tíma í alvöruna og áhyggjur hvað með allt funnið?? t.d bara að klæða dýrið í búninga?? það er örugglega gaman, þó það sé skrítið..væri alveg til að sjá nadíu í einhverjum svona búning. En mamma, ég skal bara flytja með þér til USA!! En þú verður bara að segja við pabba: ég er að fara að flytja til bandaríkjana, þú ræður kvort þú kemur með eða ekki. ;) Er þaggi? Ég get lofað þér því að hann á eftir að koma skríðandi á 4 fótum á eftir þér...!
Kv. Tinna tú***
Skrifa ummæli