Carmina Burena

Flottir tónleikar í Langholtskirkju í gærkvöldi og það var gaman að taka þátt í þeim. Mikill þungi í fluttningi og flytjendur voru um 150 manns eða á milli 10 og fimmtán tonn af kjöti. Það vekur mann samt til umhugsunar til hvers maður er að æfa eitthvað verk mánuðum saman tugi klukkutíma og svo er það flutt og þá er klappað í 2 mínútur og svo haldið heim. Verkið gleymt og samt kemur maður aftur að hausti og vill fara að æfa eitthvað sem maður hefði aldrei sett í spilarann og ef það hefði komið í útvarpinu hefði maður bara skipt um rás. Þetta er náttúrulega bara bilun.
Auðvitað verður enn meira fjör að flytja verkið í Carnege Hall og ég hefði viljað taka þátt í því, en það er ekki allt hægt. Vonandi fáum við fréttir af þeim tónleikum þegar þeir eru yfirstaðnir.

Hverju á að trúa?

Lítil frétt um yfrlýsingu utanríkisráðherra Bandaríkjana frú G. Grjón vegna yfirlýsingar íslenskra yfirvala um slæma meðferð fanga á Kúpu, þar sem hún heldur því fram að allt sé í himnalagi á Kúpu er allveg nýtt fyrir okkur að heyra hér í fjölmiðlum. Kanski er þetta rétt hjá henni og það er þá bara búið að mata okkur á röngum fréttum lengi. Ef svo er hvað er þá starfsfólk fjölmiðla á íslandi að hugsa núna? Kanski trúir það ekki orði af þessari frétt og finnst það ekki fréttnæmt að utanríkisráðherra Bandríkjana haldi fram skoðun sem ekki almenn í evrópu og víðar. En hvað um það Kínverjar segja líka að ekki sé neitt að hjá þeim í mannréttindamálum, en Bandaríkjamenn eru alls ekki á sama máli. Rússar segja líka það sama þegar þeir eru að herja á nágranna sína og hafa verið sakaðir um að hafa eitrað fyrir þeim, ekki benda á mig. Allar þessar þjóðir eru samt með skýringu til vara þ. e, grafa undan stjórnvöldum, alþjóða hryðjuverk, þjóðaröryggi. Ef þeir hafa verið að ljúga þá var það nauðsynlegt. Minnkandi trú og áhugi almennings á stjórnmálum á sínar skýringar og þetta er kanski hluti af því? Nú eru komnar fréttir af fangaskipum á vegum Bandaríkjamanna vonum að allt sé í lagi þar.

Mætti ekki vinnnu...með harðsperrur

Sumum eru engin takmörk sett. Nú frétti ég af einum sem fór á snjósleða og var á honum heilan dag um helgi. Á mánudegi hringir vinurinn í vinnuna þar sem hann er deildarstjóri og segir undirmanni sínum að hann geti ekki mætt vegna HARÐSPERNA. Undirmaðurinn var bara feginn og vonaði að hann færi bara oftar á snjósleða. Nú er ekki verið að tala um neina krakka deildarstjórinn er kominn yfir fimmtugt og hefur háskóla próf úr Ameríku. Þetta er ekki einsdæmi ég heyrði af einni sem gat ekki unnið vegna þess að golfvertíðin væri að fara að byrja. Já.....til hvers að fara að byrja á því að vinna þegar það er farið að nálgast vertíð??
Þetta minnir mann á margsagða settningu í Afríku "no work no pay" það þurfti að orða þetta skírt með miklum áherslum, en þeir skildu flestir, ......ef ekki þá föttuðu þeir þetta mjög vel þegar þeir höfðu ekki unnið og áttu ekki fyrir mat. Sumir komast upp með letina og aðrir ekki. Passið ykkur á harðsperrunum það er ekki víst að allir vinnuveitendur hafi umburðalyndi fyrir svona afsökunum.

Vöðlur

Síðasti veiðitúr í fyrra endaði með því að ákveðið var að kaupa öndunarvöðlur, ég var allur rennblautur úr neonprenvöðlunum af svita og brunninn á lærum.
Þetta rifjaðist upp nú í vor og farið var að skoða þá möguleika sem eru í boði. Það er hægt að kaupa þessar vöðlur og skó ódýrast á ca 22 þúsund. Það sem ég fann á netinu og var sambærilegt, keypti ég á 122 dollara með sendingarkostnaði í USA og fæ ég sent heim með gesti. Það sem kemur á óvart er hvað það er orðið aðgengilegt að skoða vörur og gera samanburð, munar þar ekki minnst um umsagnir viðskiptavina sem hafa keypt þá vöru sem maður er að skoða. Það er alveg klárt að ég á eftir að gera meira af þessu í framtíðinni.
Einnig verslaði ég varahluti í hjólið og það var alveg framúrskarani þægilegt að hafa teikningar af mótornum og öllum skrúfum í hjólinu. Það er ekki svona aðgengilegt hjá umboðinu og þá er maður bundin af afgreiðslutíma sem hentar mér illa þar sem ég vinn ekki í bænum og er oftast kominn í bæinn eftir lokun. Annað hitt það það var allt til. Sami munur á verði var á varahlutum og vöðlunum þ.e innan við helmingsmunur. Ef heldur sem horfir þá mjakast verslun yfir á netið svipað og sérverslun á landsbyggðinni lagðist af að stórum hluta og með þá sem kaupa verður eins og þá, þeir sem ekki geta eða þurfa ekki að spá í hvað hlutirnir kosta.
Síðan sem ég verslaði vöðlurnar á er basspro.com og þar sem ég verslaði varahlutina í hjólið var ktmworld.com

Kaup dagsins

Keyptum okkur tjaldvagn í dag eftir langa yfirlegu, misstum alltaf af góðu eintökunum sem voru til sölu, svo þegar við sáum einn auglýstan í gær þá drifum við bara í því að kaupa hann.

Set inn eina mynd sem ég fann á netinu og er mjög líkur þeim sem við keyptum, gæti verið annar litur á gardínunum hjá okkur.


Þangað til næst..............amma kveður.

Dansdrottning

Glæsilegur árangur var hjá örverpinu í dag þegar hún tók þátt í Íslandsmóti í dansi sem fram fór í Laugardalshöll núna um helgina. Hún og Magnús dansherra hennar lentu í 3 sæti sem er aldeilis frábært hjá þeim. Þau eru búin að vera að dansa af og til síðan um áramótin svo þetta er glæsilegur árangur hjá þeim.

Hérna má sjá nokkrar myndir af mótinu.

Gleðilegt sumar

Sumarið er komið og Tinna og Gummi búin að fá sér hund. Auðvitað koma nánari fréttir af hvutta seinna. Við hjónin erum að leita að sígaunatuskukerru (tjaldvagni) og eru allar ábendigar vel þegnar. Ætlunin er að fara hringinn í sumar þegar Linda frænka Sigrúnar kemur í heimsókn frá USA.
Trukkabílstjórar eru enn hissa á að ekki skuli vera farið eftir því sem þeir vilja og að allt skuli ekki snúast um þá. Sennilega aldrei verið eins mikið talað um lítið með eins mikilli áherslu og ákafa. Það er engin furða að sumir fljóti með og segi "já þetta getur ekki gengið svona".
Þeir sem eiga einbýlis og raðhús vita hvað þeir eiga að gera næstu mánuðina, mála glugga hreinsa rusl klippa runna kaupa mold í beðin og fl. Við hin reynum bara að njóta lífsins við aðra hluti, t.d. útivist göngutúrar hjólatúrar veiði og fara í sund og höfun ekkert samviskubit út af því að hafa ekki borið á þakskyggnið áburðinum á túnið mosinn á milli hellnanna. Gleðilegt sumar allir landsmenn.