12.000 milljónir í tvö göt

Þá er búið að vígja göng í Héðinsfjörð og þaðan til Ólafsfjarðar sem hafa verið 4 ár í byggingu. Ráðamenn tala um kosti við göngin, eitt atvinnusvæði og færri kílómetrar til annara byggðarlaga. Íbúar í Siglufirði voru um 1.400manns árið 2003 og sennilega hefur það verið sá tími sem menn voru alvarlega að íhuga þessa framkvæmd. Þá hefur verið borðleggjandi að þetta hefur verið kostnaður uppá 85 milljónir á íbúa eða 255 milljónir á íbúð ef í henni eru 3 manneskjur. Á þessum árum var kanski verð á íbúð í Siglufirði 10 milljónir.
Hver er ábyrgur fyrir þessu? Hvað er það sem réttlætir þessa framkvæmd? Eitt atvinnusvæði fyrir 3.000 íbúa? Styttra að keyra á Akureyri í búð? Er kanski ódýrara að versla í matinn á Akureyri en á Sauðárkrók? Hvað á að gera fyrir Sauðkræklinga þegar þeir missa Siglfirðingana sem viðskiptavini í Skagfirðingabúð?
Ég var á sjó í Ólafsfirði þegar ég heyrði af þessum göngum fyrst frá manni sem var frá Siglufirði. Ólafsfirðingunum sem voru um borð fannst þetta bara góður brandari og engum datt í hug að þetta væri virkilega í alvörunni, enda maðurinn þektur fyrir létta lund og grín.
Hvað finnst Vestfirðingum um þetta þar sem vegirnir eru illfærir á sumrin? Vestmanneyingum sem þurfa að borga fyrir sínar samgöngur og eru 3 sinnum fleiri og komast ekki alla daga á milli? Siglfirðingar hafa nefnilega verið með ágætis samgöngur við Skagafjörð með sínum strákagöngum. Héðinsfjarðargöngin ættu að vera minnisvarði um hvernig á ekki að fara með skatt-peninga og sína nauðsyn þess að gera landið að einu kjördæmi. En fyrst búið er klára bullið hvet ég Siglfirðinga til að fara sem mest um göngin og virkilega njóta þess. Nú er svo komið að alls ekki má flytja burt því draumurinn hefur ræst. Gott er til dæmis að kaupa sér niðurgreitt lambakjöt á Akureyri og brosa svo í göngunum á leiðinni heim.

Lambakjötsútfluttingur

Nú eru fréttir í mogganum um að lambakjöt komi til með að hækka í verði. Bjart framundann hjá bændum, aukin eftirspurn og framleiða meira af kjöti og fl. já og meira að segja útfluttingur og tækifæri á að endurnýja gúmískóna.
Það fyrsta sem mér kemur í hug er að þeir geti þá bara hætt að ríkis-styrkja þessa framleiðslu og þegar þangað er komið geta menn flutt út. Það væri tímamót og virkilega fréttnæmt.

Nígeríusvindlið

Nú er verið að sýna leikrit sem fjallar um svindl Nígeríumanna. Þar kemur meðal annars fram að svindl í Nígeríu er annar stærsti atvinnuvegur landsmanna. Innkoma þeirra er um 1 milljón íslenkar krónur á sekúndu (var sagt í útvarpinu), sextíu milljónir á mínútu 3.600 milljónir á klukkustund.
Þetta eru ótrúlegar tölur. Á rúmlega einni klukkustund væri komið inn fyrir kostnaði Hvalfjarðarganga en fyrir nokkrum árum stóðu landsmenn og mændu yfir fjörðinn og reyndu að finna leið til að fjármagna gangnagerðina.
Nígería er frjósamt og gott land til ræktunar á kakói og fleira til útfluttings, mesta olíu útfluttingsland Afríku og áttunda fjölmennsta land í heimi og heimsmeistarar í svindli.
Góðar líkur eru á að þeir eigi eftir að ná enn betri tökum á svindlinu, og engar fréttir mér vitanlega hafa farið af því að þeim þyki þetta slæmt. Enda eru þetta tekjur og þeir spila á að eiga bágt (stór hluti landsmanna eiga tæplega fyrir mat) og allt gott skilið frá of ríku fólki sem er svo vitlaust að trúa sögum sem það vill að séu sannar.
Ef þessar tölur eru réttar þá eru líkur á að þessi fyrirtæki séu með hundruði þúsunda eða milljónir manna í vinnu. Allar líkur eru á að það þurfi að senda út mörg svindl til að einhver falli í gildruna. Þá kemur upp spurningin af hverju er ekki settur þrýstingur á stjónvöld að gera eitthvað til að halda þessu niðri? Það hefur t.d. komið fram að umtalsverðir fjármuna streyma frá Ástralíu á degi hverjum vegna þessa atvinnuglæpafyrirtækja.
Hvað verður svo um alla þessa peninga? Ef þetta er eins og með olíuna þá fer bara hluti til fárra í Nígeríu, restin verður notuð annarstaðar, svartir peningnar reikna ég með. Eða ætli annar stærsti atvinnuvegur Níegeríu telji fram til skatts? Og svo eru það þeir sem skrifa bréfin og svara símanum, hvað fá þeir? Hvernig vinna þeir? Geta þeir notað sama bréfið á tugi eða hundruði manna? Copy paste og skipta um nafn? Kanski bara rétt að skella sér í leikhúsið og heyra og sjá meira?

Babú babú

Vaknaði við sírenuvæl sem hljómaði eins og loftvarnarlúðrar í bíómyndum á aðfaranótt laugardagsins um 02. Mig grunaði að það væri kvikknað í, einhverstaðar og það væri verið að ræsa út sjálfboðaliða í slökkviliðinu eins og var gert í Ludritz um árið.
Í morgun fékk ég þær fréttir að bílstjórinn okkar gæti ekki mætt á réttum tíma vegna þess að það kviknaði í húisinu hans. Þegar hann mætti um 7, 30 fékk sagði hann mér að það hefði brunnið hjá honum húsið og frændi hans og vinkona hans hefðu dáið í brunanaum. Þegar ég fer svo að ræða við fleiri þá kemur í ljós að það var líka bruni í síðustu viku og þá létust 2 líka. Samt er ekki föst mönnun á slökkviliðinu, en það er í umræðunni að það sé ástæða til. Svo dettur það uppfyrir þegar kemur að því hver eigi að borga, það nefnilega vill enginn borga, en allir vilja fá.

Bílaleiga Eyfa Valt í Namibíu

Já kæru landar ef þið eigið leið um Walvis Bay þá er tilvalið að bregða sér á Bílaleigu Eyfa Valt og taka á leigu fullbúinn ferða-bíl í feraðlagið um Namibíu.
Eyfi hefur mikla reynslu af ferðlögum um landið og fylgir með upplýsingar um hvernig og hvert er best að fara. Hvað ber að varast og ef eitthvað kemur upp er hægt að hringja í hann úr farsíma sem fylgir með bílnum.
Bíllin er útbúinn með öllu sem þarf nema mat, (og drykk). Þannig að ekki þarf að kaupa gistingu eða eldunaráhöld frekar en fólk vill.

Stangaveiði frá strönd Walvis Bay

Þegar ekið er á milli Walvis Bay og Swakopmund þá eru veiðimenn við stöndina allt árið um kring alla daga ársins að veiða með mjög löngum veiðistöngum í sjónum og aðrir að kafa eftir humri. Ég fór ásamt fleiri íslendingum að veiða um daginn og fórum við tugi kílómetra upp með ströndinni og alltstaðar voru veiðimenn að veiða. Ég hafði ekki áttað mig á þessum fjölda fyrr, og samt var lítil sem engin veiði.
Um kvöldið átti ég fund með atvinnuveiðimanni vegna skotveiði sem ég er að kanna fyrir íslendinga og þá kom í ljós að hann er aðallega í að leiðbeina stangaveiðimönnum gegn gjaldi. En hann hafði verið að kanna fjölda þeirra í samvinnu við yfirvöld og var fjöldinn 3.000 til 5.000 veiðimenn á dag. Flestir veiðimennirnir eru samt Namibíumenn sjálfir. Nú er veiðin mjög dræm og hann hefur ráðlagt þeim sem hafa haft samband við hann að koma seinna. Hann sagði að veiðimenn kæmu í flugi frá Þýskalandi til að veiða við ströndina í sjó og stoppuðu í svona 10 daga. Hvað er það sem fær menn til að koma til Suður Afríku og veiða með stöng í sjó? Svarið var einfallt stór fiskur, já hvað kallarðu stór?? ja svona 150 kílóa hákarl og svo fór hann og náði í mynd af einum svoleiðis með veiðimanni sem hafði verið hjá honum og sent honum myndina. Svo lýsti hann fyrir mér hvernig hann færi að því að fá þessa stóru nær ströndinni og taka beituna.
Maður skoðar kanski betur í kringum sig áður en maður fer að kafa eftir humar næst. Ef einhver hefur áhuga að skoða frekar þár er hér tenging á síðu með uppl. http://www.waderson.com/1001-Guided-Shark-Fishing-In-Namibia.html

Afríku íþróttaandinn

Kom mér á óvart að sjá varamennina í fótbolta vera með bjór í hendi sitjandi á bekknum eftir að komast inná, þetta var í alvöru leik. Hvað drekka þessir menn á æfingu? Ég tók nú ekki eftir hvort það væri öskubakki þarna hjá þeim, en kanna það næst.
En svona er viðhorf til íþrótta misjafnt, ég kom inní líkamsræktarstöð um daginn, konan sem sat við tölvu í móttökunni var að drekka kók og borða kartöfluflögur og hún mátti nú ekki við því.
Þegar ég kem heim af keiluæfingu þá þarf maður að þvo íþróttagallann vegna reykjabrælu, en þarna inni sitja menn og reykja milli þess sem þeir henda kúlum og taka sopa af bjór og snaps.
Íþróttandinn hér gengur út á að vera með, allir að taka þátt og hafa gamann, keppni er ágæt í hófi. Hér með er mynd úr ferðalagi sem við nokkrir félagar úr Atlantis sport klúbbnum fórum í eyðimörkina og sýnir íþrótta andann í hnotskurn enda verið að spila tenigaspilaíþrótt.
En þetta er afríka, menn eru með áróður í útvarpinu um að hafa börnin í aftursætunum og nota beltin.